| عنوان الكتاب: | لأ بطعم الفلامنكو |
| تأليف: | د. محمد طه |
| الناشر: | الرواق |
حول كتاب لأ بطعم الفلامنكو:
التغيير هو أكبر تحدي ممكن يواجهك في حياتك..
و التغيير الحقيقي، بيكون معاه صعوبتين..
الصعوبة الأولى.. إنك هاتكون عامل زي الطفل المولود جديد.. بتخرج للحياة و معاك كل المخاوف زي ما معاك كل الفرص.. بتتعرف على نفسك و على الناس و كأنك بتشوفهم لأول مرة.. بتختار اختيارات جديدة.. و تمشي في سكك مختلفة.. ختى لو كانت مُوحشة.. لأو مهجورة..
الصعوبة الثانية.. هي إن التغيير له ثمن.. و الثمن ده ممكن يكون غالي جداً..
الكتاب ده عن التغيير.. عن خطواته.. و عن ثمنه..
عن احتياجاتك.. و مخاوفك.. و حقوقك النفسية..
عن قراراتك اللي أخدتها من زمان.. و قراراتك اللي هاتخدها دلوقت..
الكتاب ده هاينقلك بهدوء و ثقة.. من مرحلة "الحبو" خارج النص.. والمشي فوق أشواك العلاقات الخطرة و تجاوزها..
إلى الضرب على الأرض بشكل إيقاعي متتابع و مبهر.. وكأنك راقص فلامينكو محترف..
يرقص فوق آلامه.. و يزلزل القلوب أمام عينيه..
يعلن عن نفسه قس وجه العالم.. مع كل دبدبة عالية مدوية من قدميه..
يرفع عنقه نحو السماء.. و يغرس بذور وجوده الجديد في أعماق الأرض..
جهز قلبك و عقلك و روحك.
لتقابل نفسك..
كما لم تعرفها من قبل..